Текст
27.02.2026
Бүгін мектебімізде "1-Наурыз – Алғыс айту" күніне орай тәрбиелік іс-шара ұйымдастырылды. Іс-шара барысында оқушылар жүрекшелерге жылы лебіздері мен алғыс сөздерін жазып, арнайы құттықтау қарттарын толтырды. Әрбір оқушы өздерінің ата-аналарына, ұстаздарына, достарына және жақын жандарына деген ризашылықтарын білдіріп, мейірім мен сыйластықтың маңыздылығын түсінді.
Мерекелік бұрыш безендіріліп, «Мейіріммен толтырайық» тақырыбында жүрек пішініндегі стендке жазылған тілектер ілінді. Бұл шара оқушыларды бір-біріне құрметпен қарап, алғыс айтудың адам өміріндегі ерекше орын алатынын ұғынуға тәрбиеледі. Көңілді әрі әсерлі өткен мерекелік күн барша қатысушыларға көтеріңкі көңіл күй сыйлады.
